Զամբյուղում ապրանք չկա:
Apple Watch․ ֆիտնես ժամացույց
Եթե ունեք Apple Watch, ուրեմն ունեք անձնական մարզիչ հենց ձեր դաստակին, որը հասանելի է ցանկացած ժամանակ, ցանկացած վայրում: iWatch-ը մշտապես վերահսկում է ձեր շարժումները՝ հետևելու, թե որքան էներգիա եք այրում օրվա ընթացքում: Ժամացույցը ցուցադրում է մարզումների մանրամասն հաշվետվություն իրական ժամանակում: Յուրաքանչյուր մարզման համար smart ժամացույցը գրանցում է ժամանակը, հեռավորությունը, այրված կալորիաները և այլ տվյալներ, որպեսզի կարողանաք վերահսկել ձեր առաջընթացը:
GPS թե Cellular
Կարող եք մարզվել ձեր Apple ժամացույցով, առանց iPhone-ի, անկախ նրանից՝ դուք ունեք iWatch Cellular, թե GPS մոդել։ Մարզումների համար անհրաժեշտ է միայն GPS, առանց ինտերնետի կամ eSIM֊ի: Այնպես որ կարող եք թողնել ձեր iPhone-ը տանը և գնալ վազքի: Սարքերը լիովին անկախ են: iWatch-ը հավաքում է տվյալներ ձեր մարզումների մասին անմիջապես ներկառուցված GPS-ից: Մարզման ծրագիրը ևս կարող եք կարգավորել iWatch-ում, առանց iPhone-ի միացման: Իհարկե, կարող եք մտածել, որ հաղորդագրություններ կամ զանգեր ստանալու համար ձեզ անհրաժեշտ է Apple սմարթֆոն` GPS մոդելի համար։ Եվ դա ճիշտ է։ Բայց, չէ՞ որ մարզումների ընթացքում չի խրախուսվում զրուցելը։
Ինչպե՞ս կարգավորել մարզման ծրագիրն iWatch-ում
Apple խելացի ժամացույցը ճշգրիտ հետևում է էներգիայի սպառմանը, երբ վերահսկում եք այն Workout հավելվածի միջոցով։ Նախքան մարզումները սկսելը, կարող եք iWatch-ի վրա հարմարեցնել մարզման ձեր ծրագիրը՝ սեփական ֆիթնես նպատակներին համապատասխան: Նպատակները կարող եք փոփոխել՝ կախված տարբեր ժամերի, կալորիականության և հեռավորության հետ, սահմանել բացօթյա մարզումների տեմպը, ավելացնել ընդմիջման և նախապատրաստվելու ժամանակը, սահմանել մարզումների և վերականգնման միջակայքերը և կատարել այլ փոփոխություններ:
· Բացեք Workout հավելվածը iWatch-ում:
· Ոլորեք Digital Crown-ը՝ մարզման ձեր նախընտրած տեսակը գտնելու համար:
· Կտտացրեք «Լրացուցիչ ընտրանքներ» կոճակին, ապա՝ «Ստեղծել մարզում»:
· Հպեք նպատակին, ինչպիսիք են Կալորիաները, Հեռավորությունը կամ Ժամանակը։ Այնուհետև՝ <<Կատարված>> (Done):
· Երբ պատրաստ լինեք սկսելու, հպեք «Մարզում»:
Որքա՞ն ճշգրիտ է iWatch-ի հաշվետվությունը
Ֆիտնես ժամացույցն օգտագործում է ձեր տրամադրած անձնական տվյալները (հասակը, քաշը, սեռը և տարիքը) այրված կալորիաների և այլ չափումների մասին հաշվետվություններ տրամադրելու համար: Ձեր անձնական տվյալները թարմացնելու համար բացեք Watch հավելվածը iPhone-ում: Դա անելու համար գործարկեք «Առողջություն» հավելվածը և հպեք ձեր օգտվողի պատկերակին՝ էկրանի վերևի աջ անկյունում: Պրոֆիլում ավելացրեք ձեր ծննդյան ամսաթիվը և սեռը, այնուհետև վերադարձեք հիմնական ընտրացանկ և ընտրեք «Մարմնի չափումներ» կատեգորիան: Ավելացրե՛ք ձեր հասակը և քաշը․ վերջ։ Որքան շատ տվյալներ գրանցեք, այնքան ավելի շատ պատկերացումներ կստանաք ձեր մարզումների մակարդակների վերաբերյալ: Այս տվյալները կարող են օգնել ձեզ՝ բարելավելու արդյունքը կամ վերահաստատելու, որ դուք առաջընթաց եք գրանցում։
Apple ժամացույցն ապրելակերպ է
Apple սարքը կարող է օգնել ձեզ հետևել ձեր քնին, ձեր սրտի աշխատանքի վերաբերյալ կարևոր տվյալներին, գրանցել ձեր զգացմունքներն ու տրամադրությունը, վերահսկել ձեր դեղերը և հետևել ձեր դաշտանային ցիկլին։
Քնի որակն առաջնահերթություն է
iWatch-ի Sleep հավելվածում կարող եք ստեղծել քնի ժամանակացույց, սահմանել քնի նպատակ և դիտել ձեր վերջին քնի պատմությունը: Դուք, նույնիսկ, կարող եք դիտել հաշվարկը, թե որքան ժամանակ եք անցկացրել արագ քնի, հիմնական կամ խորը քնի մեջ, և արդյոք ձեր քունն ընդհատվել է: Քնած ժամանակ Apple Watch-ը նաև հետևում է այնպիսի բաներին, ինչպիսիք են արյան թթվածնի մակարդակը, սրտի հաճախությունը, քնի ժամանակը, շնչառության հաճախականությունը, իսկ Apple Watch Series 8-ում և Apple Watch Series 9-ում կարող եք հետևել դաստակի ջերմաստիճանին: Սկսելու համար բացեք Sleep հավելվածը iWatch-ում և հետևեք էկրանի հրահանգներին: Այնուհետև դրեք ձեր ժամացույցը քնելուց առաջ և թույլ տվեք Apple Watch-ը հոգ տանի ձեր մասին:
Սրտի առողջության ծանուցումներ
Apple ժամացույցում կարող եք միացնել ծանուցումները Heart Rate հավելվածից՝ պարզելու ձեր սրտի զարկերը բարձր են, թե ցածր։ Սարքը կնախազգուշացնի նաև, եթե ձեր սրտի զարկերն անկանոն են։ Դա կարող է վկայել նախասրտային ֆիբրիլյացիայի մասին: Եթե դա նախկինում ձեզ մոտ ախտորոշվել է, կարող եք միացնել նախասրտային ֆիբրիլյացիայի պատմությունը` առիթմիայի հաճախականությունը դիտելու համար:
Դեղերն ընդունելու հիշեցում
«Դեղեր» (Medications) հավելվածը կհիշեցնի ձեզ ընդունել դեղամիջոցներ, վիտամիններ և վիտամինային հավելումներ։ Պարզապես ավելացրեք անհրաժեշտ դեղերը ձեր iPhone-ի Health հավելվածին և ավելացրեք դրանք ձեր iWatch-ում:
Apple-ը գիտի ձեր տրամադրությունը
Հետևելով ձեր զգացմունքներին, Mindfulness հավելվածը կհիշեցնի ձեզ ավելի գիտակցված շնչել, պահպանել հուզական կայունությունը։ Պարզապես բացեք Mindfulness հավելվածը, հպեք Mood-ին, ապա մուտքագրեք տվյալ պահի ձեր տրամադրությունը և իրավիճակն ամբողջ օրվա ընթացքում:
Հետևում է դաշտանային ցիկլին
Օգտագործեք Cycle Diary հավելվածը՝ ձեր դաշտանային ցիկլի մասին ամեն օր տվյալներ գրանցելու համար: Այս տեղեկատվության հիման վրաiWatch-ը ձեզ կտրամադրի կանխատեսումներ ձեր դաշտանի սկզբի և հղիության համար բարենպաստ օրերի վերաբերյալ: Ի հավելումն ձեր գրանցած տեղեկատվության, Cycle Diary-ը կարող է օգտագործել ձեր սրտի զարկերի տվյալները՝ ավելի ճշգրիտ կանխատեսումներ տրամադրելու համար:
Եթե ամեն գիշեր քնեք՝ iWatch Series 8-ը կամ iWatch Series 9-ը դաստակին կապած, հավելվածը կարող է օգտագործել դաստակի ջերմաստիճանի տվյալները՝ դաշտանային ցիկլի ավելի ճշգրիտ կանխատեսումներ և օվուլյացիայի հետընթաց գնահատումներ ապահովելու համար:
Վերադառնանք Workout հավելվածին
Հավանաբար, iWatch-ի ամենաօգտակար հատկություններից մեկը բացօթյա մարզումներին հետևելու հնարավորությունն է: Սա ներառում է քայլելը և քայլարշավը, վազքը, հեծանվավազքը, լողը և, անգամ, անվասայլակով մարզումները: Դուք կստանաք տեղեկատվություն մարզումների վերաբերյալ՝ հիմնված ձեր ընտրած չափման միավորի վրա, այդ թվում՝ միջին կամ ընթացիկ արագությունը:
Երբ ավարտեք մարզումները, կարող եք տեսնել այն ձեր iPhone-ի Fitness հավելվածում (կարող է տևել մեկ կամ երկու րոպե, որպեսզի այն հայտնվի, այնպես որ խուճապի մի մատնվեք, եթե այն անմիջապես տեսանելի չէ): Հպեք ձեր մարզմանը, այնուհետև ոլորեք էջի ներքևի մասում և սեղմեք «Քարտեզ»՝ ձեր մարզման արդյունքը տեսնելու համար: Սա կներկայացվի որպես քարտեզ՝ կանաչ հատվածներով, որոնք ցույց են տալիս, թե որտեղ է ձեր արագությունն ամենաբարձրը, և կարմիր հատվածներով, որտեղ դուք դանդաղել եք կամ ընդհանրապես կանգ եք առել։
Թարմացրեք օպերացիոն համակարգը
iWatch-ի բոլոր Smart հնարավորություններից օգտվելու համար համոզվեք, որ այն աշխատում է watchOS-ի վերջին տարբերակով: Բացեք Watch հավելվածը ձեր iPhone-ում: Իմ ժամացույցի էկրանից անցեք Ընդհանուր > Ծրագրաշարի թարմացում: Ծրագիրը կտեղեկացնի, որ ձեր Apple Watch-ն արդիական է կամ կառաջարկի ներբեռնել վերջին տարբերակը:
