Ի՞նչ չափի հեռուստացույց ընտրել

Հեռուստացույց գնելիս <<Որքան մեծ, այնքան լավ>> մոտեցումը պետք է բացառել։ Տարբեր անկյունագծերով մոդելներն իրենց պահանջներն ունեն․ օրինակ, դիտման օպտիմալ հեռավորություն, տեղադրման օպտիմալ բարձրություն, էկրանի լուծաչափ, որպեսզի ապահովեն հարմարավետ դիտում և աչքերն ազատեն ավելորդ լարվածությունից։ Չափազանց մեծ էկրանով հեռուստացույց գնելը նման է IMAX 3D-ի առաջին շարքի տոմս գնելուն․ ստիպված կլինեք պարբերաբար պտտել ձեր գլուխը, որպեսզի էկրանի հսկա պատկերները մտնեն ձեր տեսադաշտ: Գնելով չափազանց փոքր անկյունագծով հեռուստացույց, ստիպված կլինեք սրել հայացքը, որպեսզի տեսնեք հազիվ նկատելի պատկերները: Չեն տպավորի, նույնիսկ, ֆիլմարտադրության գլուծգործոցները՝ ռեժիսորական , օպերատրական և դերասականական պրոֆեսիոնալ աշխատանքով։ Այս հոդվածը կօգնի ձեզ ճիշտ կողմնորոշվել՝ ինչպես ընտրել հեռուստացույցի անկյունագիծը՝ յուրաքանչյուր սենյակին համապատասխան։ Այսպիսով, ավելորդ դյույմերի համար ավել գումար չեք վճարի։ Նաև ավելի խոր պատկերացում կունենաք թվային սարքի չափը դյույմերով և սանտիմետրերով կարդալու մասին:

Էկրանի անկյունագիծը

էկրանի չափը որոշվում է դրա անկյունագծով, այսինքն՝ ներքևի ձախ և վերին աջ անկյունների միջև եղած հեռավորությամբ: Այն, սովորաբար, չափվում է դյույմերով: Իսկ մեկ դյույմը հավասար է 2,5 սանտիմետրի։

Գոյություն ունի հեռուստացույցի անկյունագծի (չափի) և մինչև էկրանն ընկած հեռավորության մոտավոր հաշվարկման բանաձև։ Դուք կարող եք գտնել հեռուստացույցի տարբեր անկյունագծերին բնորոշ պարամետրերը ստորև բերված աղյուսակում: 

Այնուամենայնիվ, հիշեք, որ աղյուսակում առաջարկվող հեռավորություններից բացի, գոյություն ունեն նաև կարևոր շատ այլ գործոններ։ Ստորև կդիտարկենք այլ պարամետրեր, որոնք ազդում են դիտման առաջարկվող հեռավորության վրա՝ հաշվի առնելով ձեր անձնական նախասիրությունները 

Հեռուստացույցի բարձրություն

Իդեալական բարձրությունն այն է, երբ հեռուստացույցի էկրանի կենտրոնը գտնվում է աչքերի մակարդակին հավասար կամ մի փոքր ավելի ցածր: Դա բացատրվում է նրանով, որ վեր նայելը կարող է շատ հոգնեցուցիչ լինել: Շատ փորձագետներ համաձայն են, որ հեռուստացույցի էկրանի կենտրոնը պետք է լինի հատակից մոտ մեկ մետր բարձրության վրա, բայց դա կարող է տարբեր լինել՝ կախված բազմաթիվ գործոններից, այդ թվում՝ ձեր ընտանիքի անդամների հասակից (հաշվի առնենք երեխաներին) և բազմոցի կամ աթոռի բարձրությունից։                                                            Կան որոշ բացառություններ. նստած կամ պառկած հեռուստացույց դիտելիս, էկրանը կարող է տեղադրվել շատ ավելի բարձր՝ մինչև 1,8 մ բարձրության վրա: Այս դեպքում անհրաժեշտ կլինի կարգավորվող ստենդ, որով հեշտությամբ կարող եք փոխել անկյան  դիրքը։

Հեռավորության հաշվարկման բանաձև

Կան մի քանի բանաձևեր, որոնք կարող են օգնել ձեզ հաշվարկել դիտման իդեալական հեռավորությունը: Եթե ​​ունեք Full HD հեռուստացույց, ապա ընդունված կանոն է՝ ավելացնել 4,2 սմ դիտման հեռավորություն էկրանի յուրաքանչյուր դյույմ անկյունագծին: Օրինակ, 50 դյույմանոց էկրանի համար հարմար կլինի 2,1 մ հեռավորությունը:  Սակայն, իրավիճակը որոշակիորեն փոխվում է 4K և 8K/Ultra HD լուծաչափով հեռուստացույցների դեպքում։

Պատկերի ավելի բարձր հստակությունը հանգեցնում է փոխակերպման արագության զգալի նվազմանը, ուստի 4K կամ 8K հեռուստացույցի դեպքում բավական կլինի 2,1 սմ դիտման հեռավորություն վերցնել էկրանի յուրաքանչյուր դյույմ անկյունագծով: Խոսելով դիտման այնպիսի կարևոր հատկանիշի մասին, ինչպիսին է աչքերի հոգնածությունը, դուք անպայման պետք է հաշվի առնեք ձեր հեռուստացույցի էկրանի արտադրության տեխնոլոգիան։ Օրինակ, LG-ի 2022 թվականի OLED հեռուստացույցներն ավելի քիչ կապույտ լույս արձակելու հավաստագիր ունեն:

Էկրանի լուծաչափը

4 հիմնական լուծաչափ կա՝ HD = 1366×768 պիքսել, Full HD = 1920×1080 պիքսել, 4K = 3840×2160 պիքսել, 8K = 7680×4320 պիքսել: Որքան բարձր է էկրանի լուծաչափը, այնքան ավելի շատ պիքսել կարող է արտացոլվել, համապատասխանաբար, դրա լուծաչափը ավելի բարձր է, և պատկերի պիքսելային կառուցվածքը ավելի քիչ նկատելի է: Ահա թե ինչու է խորհուրդ տրվում գնել 4K հեռուստացույց. նույնիսկ շատ մեծ անկյունագծով 4K հեռուստացույցի վրայի պիքսելային ցանցը պետք է ուսումնասիրվի խոշորացույցով: Այս կանոնից ևս մեկ եզրակացություն կարելի է անել՝ ավելի փոքր անկյունագծով և բարձր լուծաչափով հեռուստացույցն ավելի լավ է, քան հակառակը։

Վերցնենք միջին սենյակ, որտեղ հեռուստադիտողից մինչև հեռուստացույց հեռավորությունը 2-2,5 մետր է: HD լուծաչափով հեռուստացույցի համար այս հեռավորության վրա օպտիմալ անկյունագիծը կլինի 32 դյույմ: Full HD-ի համար իդեալական անկյունագիծը կլինի 32-ից 42 դյույմ: 4K լուծաչափի բարձրացման շնորհիվ նկարի որակը կտրուկ բարելավվում է, ինչի պատճառով այս լուծաչափը հանդիպում է 49 դյույմ անկյունագծով մոդելներում: Եթե ​​նախատեսում եք, հիմնականում, դիտել ձեր սիրած հաղորդումները, HD որակը բավական կլինի։ Բայց հատուկ էֆեկտներով ֆիլմեր դիտելու համար ավելի լավ է վերցնել Full HD կամ 4K:

Եվ վերջում

Հեռուստացույցը պետք է լինի հեռուստադիտողի դիմաց։ Եթե այն անկյան տակ դնեք, նորից պետք է շրջեք ձեր գլուխը, և ձեր պարանոցի մկանները կարող են կոշտանալ: Եվ ոչ մի դեպքում չպետք է տեղադրեք վահանակը պատուհանի մոտ. պատկերը կլինի մռայլ և արտացոլող, իսկ մութ տեսարաններում ոչինչ չի երևա: Ստիպված կլինեք առավելագույնի հասցնել պայծառությունն ու հետին լուսավորության մակարդակը, և սա լրացուցիչ ծանրաբեռնվածություն է աչքերի համար: ԵՎ այսպես, արդեն բավարար տեղեկացված եք՝ լավագույն ընտրությունը կատարելու համար։