Apple-ը գերազանցել է iOS-ի օգտատերերի բոլոր ակնկալիքները՝ կապված iPhone-ի նոր շարքի հետ: iPhone 14, iPhone 14 Plus, iPhone 14 Pro և iPhone 14 Pro Max-ը ներկայացնում են քեզ համար հասանելի սմարթֆոնների լայն տեսականի: Թեև ամեն ինչ գրավիչ է թվում, և մենք բոլորս ցանկանում ենք ունենալ այդ սմարթֆոնը, բազմազանությունը դժվարեցնում է ընտրություն կատարել: Ի՞նչ կասես, եթե մենք քեզ ուղղորդենք և օգնենք որոշել, թե որ մոդելն է քեզ համապատասխան:
Նոր էկրան
iPhone 14-ի շարքը առաջինն է, որը հանդես եկավ iPhone 14 Plus մոդելի համալրմամբ, որն էլ իրենից ներկայացնում է iPhone 14 Pro Max-ի ավելի մատչելի և թեթև տարբերակը: Ո՞րն է տարբերությունը։
- Քաշ
Երբ գնում ես iPhone 14 Plus, դու ստանում ես 14 Pro Max-ի էկրանի նույն չափով սմարթֆոն՝ ավելի թեթև քաշով: - Գին
Թեև մարդիկ ասում են, որ iPhone 14 Plus-ը և Pro Max-ը նույնն են միայն այն պատճառով, որ նույն տեսքն ունեն, դա այդպես չէ: iPhone 14 Plus-ը ներկայացվել է ավելի ցածր գնով համեմատած Pro Max-ի հետ։ Պատճառն այն է, որ iPhone 14 Plus-ի բազմաթիվ առանձնահատկություններ զիջում են Pro Max-ի առանձնահատկություններին։ Համեմատական աղյուսակը կարող ես տեսնել ստորև։
Այնուամենայնիվ, մարդիկ սիրում են iPhone 14 Plus-ը նրա մատչելիության և թեթև քաշի համար:
iPhone 14-ի գույները
iPhone-ի նոր շարքի գունային սպեկտրը հարուստ է Midnight, Purple, Product Red, Blue, Starlight, Gold, Silver, Space Back և Deep Purple գույներով: Թվում է, թե մարդ կարող է կորել գույների նման բազմազանության մեջ: Այնուամենայնիվ, այս գույները խմբավորված են ըստ մոդելի:
Այսպիսով, նախքան առաջ անցնելը, որոշիր, թե որ մոդելն ես ցանկանում գնել՝ iPhone 14 թե՞ iPhone 14 Pro (յուրաքանչյուր մոդելի չափը կարող է լինել ավելի մեծը՝ iPhone 14 Plus կամ Pro Max):
Ստացվե՞ց։ Այժմ, ստորև նայիր համապատասխանաբար դրված գույներին և մոդելներին՝ ավելի պատկերավոր հեռանկար ստանալու համար:
2023 թվականի թրենդային գույնը Viva Magenta-ն է։ Այն վառ գույների սպեկտր է, որն իր մեջ ներառում է կարմիրի և մանուշակագույնի բազմազան երանգները: Եթե ցանկանում ես լինել թրենդային 2023 թվականին, ավելի լավ է ընտրությունը լինի հենց այդ գույների միջև: AllCell-ի հաճախորդները մեր խորհուրդներին հետևելիս միշտ գոհ են մնացել։
eSIM-ի առանձնահատկությունը
Եթե ցանկանում ես ձեռք բերել iPhone 14, որը վաճառվում է ԱՄՆ-ում, ապա պատրաստվիր eSIM-ին: iOS-ի շատ օգտատերեր գիտեն, որ Apple-ը eSIM-ների հետ աշխատել է iPhone Xs-ի և XR-ի թողարկումից ի վեր: Այնուամենայնիվ, այժմ Apple-ը լիովին անցնում է eSIM-ի, և ԱՄՆ-ում վաճառվող յուրաքանչյուր սմարթֆոն թողարկվում է առանց ֆիզիկական SIM քարտի: Իհարկե, ընկերությունը չի չեղարկում ֆիզիկական SIM քարտի առկայությունը այլ երկրներում վաճառվող սմարթֆոնների համար, սակայն այդ սմարտֆոններն էլ ունենում են երկուսը միառժամանակ՝ ֆիզիկական SIM քարտ և eSIM: eSIM-ի հետ կապված ոչ մի բարդ բան չկա: Այն պարզապես փոխարինում է ֆիզիկական SIM քարտին՝ ներկառուցվելով iPhone-ի սխեմայի մեջ: Դա ոչ միայն չի բարդացնում օգտագործումը, այլև բազմաթիվ բաներ ավելի պարզ է դարձնում․
- SIM քարտի ավելի հեշտ փոխանակում
- միանգամից ավելի շատ քարտեր ունենալու հնարավորություն
- 5G-ի ավելի պարզ հասանելիություն
Ի դեպ, iPhone 14-ն ի վիճակի է ապահովել մինչև ութ eSIM. հիանալի է, չէ՞:
AllCell, ի՞նչ կա արկղում
Ցանկանու՞մ ես ձեռք բերել iPhone 14: Ապա, ծանոթացի՛ր AllCell արկղին:
Որպես բջջային հեռախոսների մասնագիտացված խանութ՝ AllCell-ը տոների նախօրեին իր հաճախորդներին ուրախացնելուց բացի այլ բան չէր կարող անել։ AllCell խանութներից 10,000 դրամը գերազանցող գնումներ կատարելով՝ դու ավտոմատ կերպով կստանաս քո տեղը AllCell և BsCosmo խանութների կողմից կազմակերպվող ամանորյա մրցույթում։ Մասնակցելով մրցույթին՝ դու բացառիկ հնարավորություն ես ստանում շահելու iPhone 14, Apple-ի վերջին սմարթ ժամացույցներ և նորագույն AirPods, BsCosmo beauty box-եր և ավելին: Բաց մի՛ թող այս բացառիկ հնարավորությունը։ Արդյունքները կամփոփվեն փետրվարի 15-ին, և հնարավոր է, որ դու լինես այդ հաջողակը։
Եվ վերջում
iPhone 14-ի նորագույն շարքը բացառիկ է իր բազմազան չափերով, գույներով, և առանձնահատկություններով։ AllCell-ի մասնագետները քեզ կօգնեն ընտրություն կատարել, և դու գոհ կլինես քո գնումներից՝ ունենալով քո իսկ նախընտրած սմարթֆոնը: Անկախ նրանից՝ դու ցանկանում ես ունենալ Purple կամ Midnight գույների iPhone 14՝ 120 Հց կամ 60 Հց հզորությամբ, 512 ԳԲ կամ 1024 ԳԲ հիշողությամբ, բոլորը առկա են խանութ-սրահում: Լրացուցիչ տեղեկությունների համար այցելիր AllCell կայք կամ համեցիր մեր խանութ-սրահներ, որոնք գտնվում են հետևյալ հասցեներում.
- Տերյան 52, Երևան
- Աբովյան 35, Երևան
- Կոմիտաս 23, Երևան
- Պռոշյան 77/7, Շիրակ Մոլ, Գյումրի