iPhone 14 , թե՞ iPhone 13. ո՞րն է տարբերությունը:

Ամիսներ առաջ Apple-ը ներկայացրեց iPhone 14 մոդելը և, որպես կանոն, սկսվեցին նոր սմարթֆոնի դիզայնի և տեխնիկական առավելությունների մասին քննարկումները։ Սակայն, գլխավոր հարցը շատերի մոտ, դեռևս, անպատասխան է մնում՝ որո՞նք են iPhone 14-ի և iPhone 13-ի տարբերությունները։ Քանի որ անզեն աչքով դժվար է միանգամից նկատել դրանք, որոշեցինք ավելի մասնագիտական մոտեցմամբ ուսումնասիրել և ձեզ ներկայացնել նորացված մոդելի առավելությունները։ 

Շրջանակ

Նորացված մոդելի  վերին շրջանակը փոքր-ինչ կրճատվել է, ուստի էկրանը, նախորդի համեմատ, ավելի մեծ է թվում: iPhone 13-ի պատյանի հաստությունը 7,65մմ․ է, իսկ iPhone 14-ինը՝ 7,8մմ․։ Պատճառն այն է, որ նորացված մոդելում ավելի տարողունակ մարտկոց է դրվել ՝ 3279mAh (նախորդում ` 3227mAh):

Կարելի է կարծել, թե դիզայնի մեջ էական փոփոխություններ չկան, մինչդեռ նոր սմարթֆոնը մի ամբողջ գունային սիմֆոնիա է բերել։ iPhone 14-ը  ներկայանում է սև (Midnight), սպիտակ (Starlight), կարմիր (Product RED), կապույտ (Blue), մանուշակի (Purple) և դեղին (Yellow) գույներով։ 

Apple-ը ավանդաբար թողարկում է վառ գույնով iPhone վաղ գարնանը։ Չնայած, որ iPhone 14-ի համաշխարհային վաճառքը սկսվել է կես տարի առաջ՝ 2022 թվականի սեպտեմբերի 16-ին, արդեն հիթ դարձած դեղին գույնով մոդելը վաճառքի է հանվել 2023 թվականի մարտին։ Ի դեպ, ընկերությունը դեղին գույնն օգտագործել էր նաև 2019-ին՝ iPhone 11 մոդելում։

Դիսփլեյ

iPone 14 մոդելը ստացել է XDR էկրան, որն, արդեն օգտագործվում էր iPhone 13-ում, հետևաբար, դրանում պատկերի որակը նույնն է։ Բայց, սարքերի էկրանների միջև, այնուամենայնիվ, տարբերություն կա։ iPhone 14-ն աշխատում է ProMotion տեխնոլոգիայով, ինչի արդյունքում էկրանի թարմացման արագությունը կարող է տատանվել 1-ից մինչև 120Հց։

Երբ սահուն անիմացիա պահանջվի (խաղեր կամ տեսանյութեր), կօգտագործվի թարմացման առավելագույն արագությունը, երբ նկարը ստատիկ է (տեքստ կամ պատկեր), պրոցեսորը նվազեցնում է էկրանի թարմացման արագությունը, հետևաբար, նաև մարտկոցի սպառումը։ 

Արդյունքում, հայտնվեց Always-on Display ֆունկցիան։ Փաստորեն, iPhone-ի էկրանն աշխատում է, նույնիսկ, այն դեպքում, երբ հեռախոսը կողպված է։ Այն պարզապես հազվադեպ է թարմացվում և գրեթե չի սպառում մարտկոցի էներգիան։ Այժմ բաց թողնված զանգերը կամ, ասենք, մարտկոցի լիցքավորման տոկոսը կարելի է տեսնել, առանց սմարթֆոնի միացման կոճակը սեղմելու։

Տեսախցիկ

iPhone 14-ի առավելություներից մեկը բարելավված տեսախցիկն է․ այն հագեցած է ավելի լուսազգայուն սենսորով, օպտիկական կայունությամբ։

Առջևի տեսախցիկը ավելի լավ է աշխատում մութ միջավայրում։ Apple-ի ինժեներներն ասում են, որ Photonic Engine տեխնոլոգիան կբարելավի մթության մեջ արված լուսանկարների որակը՝ շնորհիվ ոսպնյակների աշխատանքի և արհեստական ինտելեկտի միջոցով պատկերների հետմշակման:

Նրանց համար, ովքեր սիրում են տեսանյութեր նկարահանել վազքի ժամանակ, ստեղծվել է Action Mode գործառույթը։ Այս ռեժիմը ներառում է կայունացման լրացուցիչ ալգորիթմներ։ Հեռաֆոտո ոսպնյակն, այժմ, մեծացնում է պատկերը՝ չփոխելով որակը ոչ միայն 3, այլև 2 անգամ։

Հաղորդակցություն

iPhone 14-ն ունի Emergency SOS via Satellite գործառույթը, ինչի շնորհիվ սմարթֆոնի տերը դժվար իրավիճակներում կկարողանա օգնություն կանչել։ Օրինակ, եթե նա հայտնվել է մի վայրում, որտեղ չկա բջջային ցանցի ընդունիչ։ Այս ռեժիմը միացնելուց հետո iOS-ը սեփականատիրոջը կհուշի դեպի երկինք ուղղել iPhone-ը՝մոտակա արբանյակից ազդանշան ստանալու համար։ Միանալուց հետո սմարթֆոնը կբացի մենյու՝ <<Ինձ թալանել են>>, <<Ես կորել եմ>>, <<ԵՍ հիվանդացել եմ >>, և այլն։ Այնուհետև սարքը արբանյակի միջոցով փրկարար ծառայությանը կփոխանցի տեղորոշման կոորդինատները և բոլոր տվյալները։

Բացի այդ, արտակարգ իրավիճակներում SOS արբանյակային համակարգը կարող է օգտագործվել ավելի <<խաղաղ>> իրավիճակներում։ Օրինակ, ձեր գտնվելու վայրի մասին կոորդինատները հարազատներին փոխանցելու համար։ Այս դեպքում բոլոր տվյալները կուղարկվեն արբանյակի, այլ ոչ թե բջջային օպերատորների բազային կայանների միջոցով։

Ստորև տեղադրում ենք iPHone 14-ի և iPhone 13-ի տեխնիկական տարբերությունների հակիրճ ուղեցույց։  

Համեմատելով երկու սմարթֆոնների բնութագրերը՝ պարզ է դառնում, որ վերջին սերնդի սարքերը մի փոքր ավելի թանկ են։ Այսպիսով, կախված է ներկառուցված հիշողության քանակից, մոդելի գույնից և որոշ այլ գործոններից iPhone 13 և iPhone 14 մոդելներների արժեքները սկսվում են համապատասխանաբար 325000 և 349000 դրամից։ Նշենք, որ AllCell խանութ-սրահներում կարող եք ձեռք բերել թե՛ կանխիկ, թե՛ ապառիկ տարբերակներով։

Եվ այսպես

Պե՞տք է, արդյոք, հրաժարվել  iPhone 13-ից և գնել 2022 թվականի մոդելը: Համեմատական ​​վերլուծության հիման վրա կարելի է ասել, որ երկու սարքերն էլ արժանի են ուշադրության, բայց եթե դա iPhone-ի առաջին գնումն է, ապա խորհուրդ ենք տալիս նախապատվությունը տալ iPhone 14-ին: