2023 թվականի թրենդային հավելվածներն iPhone-ի համար

«Բջջային հեռախոսը դառնում է ոչ միայն նոր թվային հանգույց, այլև կամուրջ դեպի ֆիզիկական աշխարհ»,- նշել է Թոմաս Հյուսոնը: Իսկապես, նկատե՞լ ես, որ սմարթֆոնները դարձել են առօրյայի անբաժանելի մասը։ Սա հիմնականում պայմանավորված է այն հավելվածներով, որոնք հասանելի են դարձել բջջային հեռախոսների համար, որոնք մարդիկ օգտագործում են ամեն օր: Այս օրերին հավելվածների օգտակարության շնորհիվ մարդիկ ապրում են ավելի հեշտ և արդյունավետ կյանքով: Շատերն արդեն գիտեն, թե ինչպես իրենց հայտնաբերած հավելվածների շնորհիվ իրենց առօրյան դարձնել ավելի հաճելի կամ ինչպես զարգացնել ֆինանսական ինտելլեկտը: Ցանկանու՞մ ես իմանալ, թե որ հավելվածներն են նպաստում դրան: Ապա շարունակիր կարդալ պարզելու համար 2023 թվականին արդյունավետ, ստեղծագործ և հաջողակ լինելուն նպաստող լավագույն թրենդային հավելվածները:

Լուսանկարների և տեսանյութերի խմբագրման հավելվածներ

Այս օրերին մարդիկ ցանկանում են էսթետիկ վիզուալ կոնտենտ, անկախ նրանից՝ նրանք ինֆլուենսերներ են, թե պարզապես սոցիալական կայքերի օգտատերեր: Իհարկե, կան հավելվածներ, որոնք օգնում են ստեղծել էսթետիկ կոնտենտ, ինչը պահանջված է մեր օրերում: Մենք ընտրել ենք այն հավելվածները, որոնք աշխատում են առանց վճարովի բաժանորդագրության և օգնում են սոցիալական մեդիայի լավագույն ինֆլուենսերներին գրավել մարդկանց: Ստորև կարող ես տեսնել ինչպես լուսանկարների, այնպես էլ վիդեո խմբագրման հավելվածներ, որոնք միանշանակ կբարելավեն քո կոնտենտի վիզուալ տեսքը:

CapCut

Այս վիդեո խմբագրիչը հասանելի է բոլոր տեսակի գաջեթների համար՝ iOS, Android, Windows և նույնիսկ առցանց: Այն տեսանյութերի հանրաճանաչ խմբագիր է YouTube-ում, TikTok-ում, Instagram-ում, Facebook-ում և WhatsApp-ում:

InShot

Վլոգներ, վլոգներ, վլոգներ: Եթե ​​սիրում ես տեսանյութեր ֆոնային երաժշտությամբ, էմոջիներով, զվարճալի անցումային էֆեկտներով՝ առանց ջրանիշի, ապա InShot-ը Ձեզ անհրաժեշտ տեսախմբագիրն է:

VN

Եթե ​​դու նոր ես վիդեո խմբագրման մեջ, ապա VN-ը հենց քեզ համար է: Այն առաջարկում է հեշտ օգտագործվող վիդեո խմբագրման առանձնահատկություններ, զտիչներ և հիանալի էֆեկտներ, որոնք բարձրացնում են տեսանյութի որակը։

PicsArt

Ցանկանու՞մ ես լինել կրեատիվ սոցիալական մեդիայում: Ապա PicsArt-ը քեզ համար է: Դիզայնի գործիքների և լուսանկարների/վիդեո խմբագրման հնարավորությունների շնորհիվ, դու կարող ես քո կոնտենտը դարձնել էսթետիկ, և միևնույն ժամանակ յուրօրինակ:

Lightroom

Եթե ​​դու փնտրում ես հատուկ նախադրյալներ՝ քո լուսանկարներում օգտագործելու համար, ներբեռնիր Lightroom-ը: Դու կարող ես պատրաստել քո սեփականը, ինչպես նաև օգտագործել պատրաստի նախադրյալները, որոնք առաջարկում է հավելվածը: Լավագույն մասը՝ հավելվածը թրենդային է և անվճար։

Canva

Ներբեռնիր Canva-ն, քանի որ այն միանգամից մի քանի ֆունկցիա է կատարում: Մեկ հարթակում կարող ես խմբագրել լուսանկարներ, ստեղծել ներկայացումներ, ինքնակենսագրականներ և ավելին: Իհարկե, լավագույն շաբլոններից շատերն անվճար են:

Երաժշտական ​​հավելվածներ

Որակյալ երաժշտության ունկնդրումն առանց գովազդի ընդհատումների առօրյան ավելի հաճելի է դարձնում: Ահա թե ինչու ենք մենք խոսում լավագույն հավելվածների մասին, որոնք կարող ես օգտագործել քո սիրած երաժշտությունը լսելու և քո առօրյան ավելի հաճելի դարձնելու համար:

Spotify

Եթե ​​ընտրես Spotify-ը, դու կկարողանաս լսել քո սիրած երաժշտությունը և բացահայտել, թե ինչ են լսում քո սիրելի արտիստները: Բացի այդ, հավելվածը ստեղծում է երգացանկ և առաջարկում երաժշտություն՝ հիմնված քո հաճախակի լսած ժանրերի և երգերի վրա:

Apple Music

Ներկառուցված երաժշտական ​​հավելվածը լավագույնս աշխատում է iOS-ի այն օգտատերերի համար, ովքեր սիրում են դիտել թրենդային երգերի շապիկներ, ստեղծել երգացանկ և հայտնաբերել նոր երգեր՝ հիմնվելով հավելվածի առաջարկած ավտոմատ մշակված երգացանկերի վրա: Բացի այդ, հավելվածը տրամադրում է երգի տեքստերն առցանց։

YouTube Music

Եթե ​​որոնում ես քո նախընտրած երգերի ռեմիքս և քավեր տարբերակները, ապա ներբեռնիր YouTube Music հավելվածը: Քեզ հասանելի են դառնում երգերի բոլոր հնարավոր տարբերակները, քանի որ հավելվածը առաջարկում է երգացանկը հենց YouTube-ից:

SoundCloud

SoundCloud-ը գալիս է սոցիալական ցանցի մոդելով և հանդիսանում է լավագույն երաժշտական ​​հավելվածը թե՛ ունկնդիրների, թե՛ ստեղծագործողների համար: Դու հնարավորություն ես ստանում լսել քո սիրելի արտիստներին և երաժշտական խմբերին, միաժամանակ վերբեռնել քո սեփական երաժշտությունը:

Shazam

Դու երբեք չես կարող սխալվել Shazam-ի հետ: Ամեն անգամ, երբ դու լսում ես անծանոթ մեղեդի և հավանում այն, բայց դժվարանում գտնել, Shazam-ը պատրաստ է օգնել քեզ գտնել այն: Բացի այդ, այնտեղ դու կարող ես բացահայտել նոր երաժշտություն:

Ֆինանսական հավելվածներ

Ֆինանսական ինտելլեկտ ունենալը կյանքի բարձր որակի կարևորագույն բաղադրիչն է: Այս օրերին շատ մարդիկ պայքարում են ֆինանսական ինտելլեկտ ունենալու համար, այդ իսկ պատճառով կան հավելվածներ, որոնք օգնում են անհատներին հասնել իրենց ֆինանսական նպատակներին:

Mint

Եթե ​​փնտրում ես ֆինանսական հավելված, որը տրամադրում է վարկային առողջության մոնիտորինգ և բյուջեի պահպանում՝ անվճար, ապա Mint-ը հենց քեզ համար է: Միակ բանը, որ դու պետք է անես, քո դեբետային և վարկային քարտերը կցելն է հավելվածին և այն կդասակարգի քո գնումները՝ քո ծախսերի օրինաչափություններն ավելի լավ հասկանալու համար:

YNAB

Դու սիրու՞մ ես նախապես պլանավորել ամեն-ամեն ինչ: Ապա, YNAB-ը քեզ համար է: Այն թույլ է տալիս օգտվողին նախապես պլանավորել ֆինանսական ծախսերը և պլանը պատրաստել նախքան նույնիսկ ակնկալվող դոլարը վաստակելը: Նախկին գործարքներին հետևելու փոխարեն, այն կանխատեսում է ապագան:

Personal Capital

Եթե ​​ապագայում ներդրումներ անելու նպատակ ունես, ապա ներբեռնիր այս հավելվածը: Այն թույլ է տալիս հետևել գործարքներին ըստ կատեգորիայի (վարկեր, օրական գործարքներ և այլն), ինչպես նաև հնարավորություն է տալիս ներդրումներ կատարել։

Սոցիալական ցանցերի հավելվածներ

Երբ առօրյա կյանքը կառուցված է թվային հանգույցի շուրջ, կարևոր է մնալ ժամանակակից և ունենալ սոցիալական ներկայություն լավագույն թրենդային հավելվածներում, որոնք կապում են մարդկանց ամբողջ աշխարհով մեկ: Վերջերս սոցիալական ցանցի բազմաթիվ նոր հավելվածներ դարձել են թրենդային:

Telegram

Սա ոչ միայն հարմարավետ հարթակ է ընկերների հետ զրուցելու համար, այլ նաև բիզնես հարթակ է գործընկերների հետ գործնական կապեր պահպանելու համար: Դու կարող ես ընտրել քո օգտանունը, ընտրել պրոֆիլի նկար (նույնիսկ մի քանի նկար՝ տեսանյութ տեղադրելու հնարավորությամբ), կապվել ընկերների հետ, միանալ տարբեր խմբերի, օգտագործել ձայնային հաղորդագրություններ և տեսահաղորդագրություններ և ավելին: Այն Instagram-ի մրցակիցն է, քանի որ բազմաթիվ ինֆլուենսերներ օգտագործում են Telegram-ը որպես ավելի առօրյա հարթակ՝ իրենց հետևորդների հետ առօրյա կյանքով կիսվելու համար՝ առանց ֆիլտրերի և հորինված սցենարների։

BeReal

Վերջինս պայթեցրել է համացանցը. այն թույլ է տալիս օգտատերերին ամեն օր, մեկ անգամ՝ պատահական պահի կիսվել իրենց առօրյայով: Դու կարող ես կիսվել միայն քո ընկերների հետ, կամ էլ ներբեռնել նկարը «Discovery» բաժին, որտեղ այն, ինչ դու ներբեռնում ես, հասանելի է դառնում ամբողջ աշխարհին: Հավելվածը քեզ ծանուցում է ուղարկում՝ նկարահանելու, թե ինչ ես անում այդ պատահական պահին, և դու կատարում ես երկկողմանի հրապարակում (հիմնական և սելֆի տեսախցիկներով): Դա զվարճալի է, հետաքրքիր և տեղեկատվական՝ քո ընկերների կյանքի մասին տեղեկացված լինելու առումով:

TikTok

Վերջերս TikTok-ը շրջանցեց սոցիալական մեդիայի բոլոր հնարավոր ռեկորդները, նույնիսկ սոցիալական մեդիայի հսկաները վախենում էին, որ TikTok-ի պատճառով կկորցնեն օգտատերեր: Սա ժամանցային հարթակ է՝ մինչև երեք րոպեանոց կարճ տեսանյութեր դիտելու, կոնտենտ ստեղծելու, քո բիզնեսը խթանելու, թրենդներին հետևելու և ավելիի համար: Եթե ​​դեռ չես օգտագործում այն, ներբեռնիր TikTok-ը՝ աշխարհի նորությունները բաց չթողնելու համար։

Առողջական հավելվածներ

Առանց առողջության չկա բարձր կենսամակարդակի պահպանման հնարավորություն։ Մարդկանց մեծամասնությունը պահում է առողջապահական հավելվածներ՝ ամենօրյա ռեժիմով իրենց առողջությունը վերահսկելու համար:

All Out Studio

Եթե ​​դու ամենօրյա մարզումներ ես փնտրում այնպիսի ստեղծողների կողմից, ինչպիսիք են Prevention, Women’s Health և այլն, ապա այս հավելվածը քեզ համար է: Անկախ նրանից, թե դու նախընտրում ես կարդիո, ուժային կամ սթրեչ մարզումներ, դու կարող ես հեշտությամբ ստանալ այդ ամենը հավելվածից:

Flo

Վերարտադրողական առողջությունը կանանց համար առաջնահերթություն է, իսկ Flo-ն այն հավելվածն է, որը հետևում է դաշտանի գրաֆիկին, թույլ է տալիս քեզ իմանալ, թե ինչ է նշանակում յուրաքանչյուր ախտանիշ, խորհուրդներ է տալիս սպազմերը, ուշացումները և ավելին հաղթահարելու վերաբերյալ:

MyFitnessPal

Եթե ֆիթնեսի և առողջ սնվելու սիրահար ես, ապա ներբեռնիր MyFitnessPal-ը: Այն օգնում է քեզ հետևել քո ամենօրյա սննդի ընդունմանը` ըստ միկրոէլեմենտների և կալորիաների: Բացի այդ, այն թույլ է տալիս հետևել մարզումներին և հաշվարկել քո օրական սննդի ընդունումը՝ հիմնվելով ֆիզիկական ակտիվության վրա:

Կրթական և տեղեկատվական հավելվածներ

Սոցիալապես ակտիվ լինելուց և սոցիալական մեդիա հարթակներում քեզ էսթետիկորեն ներկայացնելուց բացի, կարևոր է լինել կրթված և տեղեկացված: 

Duolingo

Աշխարհում մի քանի լեզուների իմացությունը կարևոր է: Duolinguo-ն հեշտ օգտագործվող հավելված է, որն օգնում է քեզ ամեն օր սովորել նոր լեզուներ պարզ բառապաշարի և քերականական վարժությունների միջոցով, որոնք ամեն օր բարելավում են որևէ լեզվի քո գիտելիքները:

Khan Academy

Այս մեկը համարվում է լավագույն կրթական հավելվածը և՛ ուսանողների, և՛ ուսուցիչների համար: Այս հավելվածի եզակի առանձնահատկությունն այն է, որ այն անվճար է, բայց տրամադրում է բազմաթիվ վարժություններ կրթության տարբեր ոլորտների վերաբերյալ, ցուցադրում է տեսանյութերի օգնությամբ գործնական վարժությունների լուծումներ, ինչպես նաև կիսվում է ուսուցողական խորհուրդներով:

Quizlet!

Եթե ​​փնտրում ես հավելված՝ նոր բառերով, փաստերով և այլնով ֆլեշ քարտեր պատրաստելու, դասագրքերի լուծումներ գտնելու, ինչպես նաև ուսումնական գործիքներ հայտնաբերելու համար, ապա ներբեռնիր Quizlet-ը։ Այն հեշտ է օգտագործել, տրամադրում է բոլոր հնարավոր ռեսուրսները՝ անգիր սովորելու ուսումնական նյութը և անհրաժեշտության դեպքում այն ​​կրկնելու համար:

Գնումների հավելվածներ

Եվ, իհարկե, մենք չենք կարող չկիսվել քեզ հետ գնումներ կատարելու լավագույն հավելվածներով: Ամեն անգամ, երբ զգում ես, որ ինչ-որ բան բացակայում է կյանքում, ստուգիր հետևյալ հավելվածները և միանշանակ կգտնես այն, ինչ քեզ անհրաժեշտ է:

Shein

Եթե ​​դու գնումներ կատարելու սիրահար ես և փնտրում ես մատչելի, բայց նորաոճ հագուստ, կոշիկ և աքսեսուարներ, ապա ներբեռնիր հավելվածը: Դու կգտնես նորաձևության վերջին թրենդները մատչելի գներով և մեծ զեղչերով Shein-ում: Ամեն ինչ բարձրորակ է, չնայած մատչելիությանը:

ASOS

ASOS նշանակում է AsSeenOnScreen (թարգ․՝ ինչպես ներկայացված է էկրանում), որը հաճախորդին վստահություն է տալիս գնելու այն, ինչ ցուցադրվում է հավելվածում: Դու կարող ես գտնել նորաձևության վերջին թրենդները ASOS-ում տղամարդկանց և կանանց համար: Լավագույնն այն է, որ ASOS-ն ունի բրենդային ապրանքներ՝ զուգակցված այլ ապրանքանիշերի հետ, ինչպիսիք են Nike-ը, Adidas-ը և այլն:

FARFETCH

Ցանկանու՞մ ես նստել տանը և առցանց մուտք ունենալ Dior-ի, Gucci-ի և այլ դիզայներական ապրանքանիշերի հավաքածուներ: Ապա ներբեռնիր FARFETCH-ը: Այն ցուցադրում է բոլոր դիզայներական ապրանքանիշերը և երբեմն առաջարկում է զեղչեր, որոնք հավաքածուները հասանելի են դարձնում բոլորի համար: Հավելվածի ինտերֆեյսը հարմար է օգտագործողի համար, ինչը դարձնում է առցանց գնումներն էլ ավելի հաճելի:

GOAT

Եթե ​​ցանկանում ես տեսնել նոր, էքսկլյուզիվ հավաքածուներ, վինտաժային հագուստներ, արխիվային ոճեր և օգտագործված դիզայներական կտորներ մեկ տեղում, ապա GOAT-ը քեզ համար է: Մեկ հավելվածում դու կգտնես հենց այն ամենը, ինչ ցանկանում ես: Թեև հավելվածը նույնպես վերավաճառում է օգտագործված ապրանքներ, դրանք բարձրորակ են և վավեր նոր արտադրանքի համար: Հաճախորդները իսկապես սիրում են այն։

Bidygo

Երբևէ մտածե՞լ ես գնել քո սպորտային կոշիկները՝ գինը սակարկելով: Ապա ներբեռնիր Bidygo-ն: Այն թույլ է տալիս ընտրել քո սիրած ապրանքը, առաջարկել դրա համար քո ցանկալի գինը, բանակցել և ստանալ ցանկալի ապրանքը ցանկալի գնով: Հավելվածի ինտերֆեյսը զվարճալի է և օգտագործողի համար հարմար, ինչը քո գնումները դարձնում է էլ ավելի հաճելի:

Եվ վերջում

Վերը թվարկված հավելվածների օգտագործումը բարձրացնում է կենսամակարդակը և բարելավում քո առօրյան: Օգտագործի՛ր AllCell-ի առաջարկած մի քանի հավելված և տեղեկացրու մեզ, թե ինչպես է փոխվել քո կյանքը:

AllCell-ի հետ ավելին բացահայտելու համար հետևեք մեր բլոգին և կարդացեք շաբաթական թարմացումները: