iPhone Photography Tricks and Tips Blog

7 հնարք iPhone-ով պրոֆեսիոնալ լուսանկարներ ստանալու համար

Լուսանկարչությունը արվեստ է, որը միայն պահանջում է վիզուալ աշխարհի յուրահատուկ ընկալում: Ոչ մի պրոֆեսիոնալ տեսախցիկ չի կարող կատարյալ նկար ստեղծել առանց լուսանկարչի տեսլականի: Բայց երբևէ մտածե՞լ ես, որ կարող ես լուսանկարիչ լինել կատարյալ նկարի տեսլականով և առանց պրոֆեսիոնալ ֆոտոխցիկի: Ձեռքի տակ ունենալով iPhone՝ լուսանկարչությունը արվեստի գործ է դառնում: Միակ բանը, որ դու պետք է իմանաս, այն է, թե ինչպես հասնել այդ կետին ունենալով միայն iPhone: Շարունակի՛ր կարդալ՝ բացահայտելու 7 հիանալի հնարք iPhone-ով պրոֆեսիոնալ լուսանկարներ ստանալու համար։

Փոփոխիր ֆոկուսի և լուսարձակման կարգավորումները

Երբ դու սկսում ես լուսանկարել iPhone-ով և ցանկանում ես ունենալ պրոֆեսիոնալ ֆոտոխցիկով լուսանկարելուն հավասար նկարներ, դու պետք է օգտվես այս հնարքից: Ներկառուցված iPhone-ի տեսախցիկը աշխատում է պրոֆեսիոնալի պես, երբ հպում ես էկրանին, պահում արևի պատկերակը, որը հայտնվում է դեղին քառակուսու կողքին և սկսում խաղալ լուսարձակման հետ՝ պատկերակը տեղափոխելով վեր կամ վար: Դրանով դու ստանում ես լույսի կատարյալ դիրքավորում, որը iPhone-ով արված նկարը դարձնում է հավասար պրոֆեսիոնալին: Բացի այդ, երբ տեսադաշտում կան տարբեր առարկաներ, բայց դու ուզում ես ուշադրությունը սևեռել միայն դեպի մեկը, դու կարող ես հպել էկրանին՝ առարկաներից որևէ մեկին, և այն դարձնել ոսպնյակի վրա ֆոկուսի ներքո, մինչդեռ մյուսները մնան հետին պլանում: Հետաքրքիր է հնչում, չէ՞:

Նկարիր ցածր անկյունից

Կրծքավանդակի բարձրությունից լուսանկարելը ամենատարածված մեթոդն է: Բայց մենք ուզում ենք պրոֆեսիոնալի պես ստեղծագործել, չէ՞: Համապատասխանաբար, դու պետք է փոխես մոտեցումդ: Կրծքավանդակի բարձրությունից լուսանկարելու փոխարեն, դու կարող ես նկարահանել ցածր անկյան տակ՝ քո տեսլականը մեկ այլ տեսանկյունից ներկայացնելու համար: Ծնկի գալով կամ գետնին պառկելով լուսանկարելիս՝ դու հնարավորություն ես ստանում լուսանկարչական առարկաները ցուցադրել անսովոր տեսանկյունից, և խուսափել լուսանկարի մեջ անցանկալի տեսարաններ ընդգրկելուց:

Ստեղծիր խորություն

Ավելի ցածր անկյան տակ նկարահանելու հնարքի հետ կապված հետաքրքիր փաստն այն է, որ այն ավտոմատ կերպով օգնում է քեզ խորության զգացողություն ստեղծել՝ ևս մեկ հնարք, որն օգնում է քեզ նկարել պրոֆեսիոնալի պես: Խորության զգացում ստեղծելու հեշտ միջոցը կադր փնտրելիս ուղղորդող գծեր փնտրելն է: Սակայն, այն, ինչ մենք առաջարկում ենք, պրոֆեսիոնալիզմի լիովին այլ ցուցանիշ է: Տեսախցիկը մոտեցրու այն առարկային, որը ցանկանում ես լուսանկարահանել, իսկ ֆոնը մշուշիր ցանկալի առարկայի համար խորության զգացողություն ստեղծելու համար: Բացի այդ, նաև կարող ես մեկ այլ մոտեցում փորձել: Երբ անում ես դրսի կամ լանդշաֆտային լուսանկարչություն, կարող ես առաջին պլանում դնել անցանկալի առարկաները և մշուշել դրանք՝ հպելով հեռվում տեղադրված գլխավոր  առարկայի վրա՝ ֆոկուսը բերելով հենց այդ հատված: Փորձի՛ր սա և տեղեկացրու մեզ, թե ինչպես ստացվեց այս հնարքը քեզ մոտ:

Օգտագործիր Live Photo-ն

Ահա մի հնարք, որը ոչ ամեն պրոֆեսիոնալ տեսախցիկ է ունակ իրականացնել՝ վերածել լուսանկարը տեսահոլովակի։ Այս հնարքից առավելագույն օգուտ քաղելու համար անհրաժեշտ է միայն լուսանկարելիս միացնել Live photo կարգավորումը: Դրանով դու ստանում ես մեկ նկար՝ շարժման էֆեկտով, որը ստեղծվում է առանձին լուսանկարների live ֆոտոշարքից: Արդյունքում, դու ունենում ես հետաքրքիր և ստանդարտներից դուրս կոնտենտ:

Նաև, դու կարող ես ընտրել ցանկից որևէ տարբերակ և ստանալ թրենդային նկարներ և հոլովակներ։

Loop – անընդհատ կրկնվող հոլովակ
Bounce – հոլովակ, որը նման է boomerang-ին
Long exposure – թրենդային մշուշած էֆֆեկտով նկար

Շրջիր տեսախցիկը

Երբևէ հանդիպե՞լ եք հետևյալ իրավիճակին՝ նայել սուրճի գավաթին և տեսնել այն գեղեցիկ տեսանկյունից, բայց չկարողանալ այն նույն կերպ, ինչպես տեսնում եք իրականում, վերարտադրել լուսանկարում։ Ծանոթ է, չէ՞: Ապա, փորձիր շրջել քո հեռախոսը գլխիվայր՝ դնելով տեսախցիկի ոսպնյակը առարկային բավականաչափ մոտ, և կադրը կստացվի նույնքան գեղեցիկ, որքան դու պատկերացրել ես։

Միացրու Grid կարգավորումը

Առաջին հերթին, գնա Կարգավորումներ բաժին, Տեսախցիկ ենթաբաժին և միացրու Ցանց կարգավորումը: Այնուհետև բացիր iPhone-ի տեսախցիկը և տես, թե ինչպես է փոխվում նկարելու հարթակի տեսքը, երբ քո էկրանին հայտնվում է երեք հորիզոնական և երեք ուղղահայաց հավասարաչափ հեռու գծերով ցանց և բաժանում էկրանը հավասար 9 մասի: Սա օգնում է քեզ տեղադրել քո լուսանկարի հիմնական օբյեկտները ցանցի գծերի երկայնքով և դարձնել կադրը տեսողականորեն աչքին ավելի հաճելի:

Օգտագործիր iPhone-ի լուսանկարչական աքսեսուարներ

Այս հոդվածում նշված բոլոր հնարքներից դու պարտադիր պետք է օգտվես հատկապես այս մեկից: Քո լուսանկարչական հմտությունները հաջորդ մակարդակի հասցնելու համար քեզ անհրաժեշտ են iPhone-ի լուսանկարչական աքսեսուարներ, որոնք առաջարկում է AllCell-ը: Դու ոչ միայն կստանաս ավելի որակյալ նկարներ, այլև լուսանկարնեը կլինեն իբրև ստուդիայում նկարահանված: Ո՞ր աքսեսուարներն ամենաշատը կօգնեն քեզ։

Selfie օղակաձև լույս

Սա կթարմացնի լուսանկարի գունային սխեման, և մարդիկ ի վիճակի չեն լինի տարբերել այդ լուսանկարը՝ ստուդիայում արվածից: Բացի այդ, դու կարող ես փոխել լուսավորության մակարդակը և ստանալ իդեալական լուսավորություն։

Եռոտանի

Գնիր եռոտանի՝ կադրերը կայունացնելու համար՝ հատկապես երբ նկարահանում ես դրսում։: Այն բարձրացնում է նկարի որակը, քանի որ նույնիսկ փոքր շարժը կարող է փչացնել ամբողջ լուսանկարը:

tripod iPhone accessory

Կանգնեցուցիչ Gimbal

Հիշու՞մ ես live ֆոտոշարքերի հնարքը: Սրանք ավելի լավ կստացվեն, եթե դու ունենաս gimbal: Այն գրեթե նույնն է, ինչ եռոտանին, բայց հնարավորություն է տալիս նկարահանել շարժման մեջ և լուսանկարելիս փոխել գտնվելու վայրը:

Եվ վերջում

Լուսանկարչությունը արվեստ է, և մենք արդեն գիտենք, որ արվեստը կարելի է նաև ստեղծել օգտագործելով միայն iPhone: Պարզապես օգտվի՛ր AllCell-ի մասնագետների առաջարկած հնարքներից և լուսանկարի՛ր պրոֆեսիոնալի պես: Այցելի՛ր AllCell խանութներ՝ լուսանկարչական աքսեսուարներ և ավելին գնելու համար: Ամեն ինչ այժմ հասանելի է մեր չորս մասնաճյուղերում՝

  • Տերյան 52, Երևան
  • Աբովյան 35, Երևան
  • Կոմիտաս 23, Երևան
  • Պռոշյան 77/7, Շիրակ Մոլ, Գյումրի