Զամբյուղում ապրանք չկա:
PlayStation-ը 2023 թվականին առաջարկում է․․․
2023 թվականին PlayStation-ի սիրահարների համար լավագույնը դեռ առջևում է: Անցյալ տարին այնքան հաջող էր PlayStation-ի համար, որ շատերը կարծում էին, որ իրենց այլևս ոչինչ չի սպասվում: Ակնհայտ է, որ PlayStation-ը չէր կարող թողնել իր սիրելի հաճախորդներին առանց նորությունների: Այս տարին խոստանում է լի լինել նոր PlayStation մոդելներով, խաղերով և շատ-շատ այլ նորություններով: Արի միասին բացահայտենք, թե ինչ է պատրաստել PlayStation-ը քեզ համար 2023 թվականին։
PlayStation 5 Pro և Slim
Մասնագետների կանխատեսումները հուշում են, որ ինչպես PlayStation 4 Pro-ն, այնպես էլ PS5 Pro-ն կթողարկվի PS5-ի թողարկումից երեք տարի անց: Գուշակիր ի՞նչ․ 2023-ը հենց այդ տարին է։ Թեև 2023 թվականին PlayStation 5 Pro-ի թողարկման վերաբերյալ պաշտոնական հայտարարություններ չկան, Nishino-ն՝ Sony պլատֆորմի փորձառության գործադիր տնօրենը, հարցազրույցներից մեկում նշել է. «Մենք կարծում ենք, որ սա շատ կարևոր տարի կլինի նաև մեզ համար: Հուսով եմ, որ դուք էլ եք անհամբեր հաջորդ տարվա համար»: Սա ամենևին էլ հայտարարության նման չէ, բայց հուշում է, որ մեզ նորություն է սպասվում:
Ինչ վերաբերում է PlayStation 5 Slim-ին, ապա 2023 թվականի սեպտեմբերը դրա թողարկման սկզբնական ամսաթիվն է: Նվազեցված չափս և քաշ, ավելի փոքր պրոցեսոր, ուղղահայաց դիրք՝ լիովին նորացված մոդել: Բացի այդ, կան լուրեր, որ PS5 Slim-ը, ամենայն հավանականությամբ, կանցնի արտադրական գործընթացներին 2023 թվականի ապրիլից և կանցնի վաճառքի 2023 թվականի սեպտեմբերից: Հետևի՛ր մեր բլոգին ավելի հստակ թարմացումների համար՝ շատ շուտով:
PlayStation VR2
Ի համեմատ PlayStation Pro-ի, PlayStation VR2-ի հետ կապված ամեն բան շատ ավելի պարզ է. այն մոտ օրերին՝ փետրվարի 22-ին, կանցնի վաճառքի: PlayStation-ի սիրահարները գիտեն, թե որքան տպավորիչ կլինի VR-ը 4K HDR-ով, 110 աստիճանի տեսադաշտով, OLED էկրանով և ինտեգրված տեսախցիկներով՝ արդիականացված զգայական տեխնոլոգիայով, աչքի հետագծման և 3D աուդիոյի հետ: Ձեռքի տակ ունենալով PSVR2-ը, դու կտեղափոխվես արդիականացված մետաոլորտ և յուրաքանչյուր խաղ կթվա իրական:
Նկատի ունեցիր, որ կարող ես նախապես պատվիրել PSVR2 AllCell-ից լավագույն գնով՝ 12-ամսյա երաշխիքով: Շտապի՛ր դառնալ առաջինը, ով կունենա այն։
DualSense Edge անլար կարգավորիչ
DualSense Edge անլար կարգավորիչն ունի նրբագեղ, ժամանակակից և ֆուտուրիստական դիզայն: PlayStation-ը գերազանցեց 2023 թվականի բոլոր ակնկալիքները. այն ներկայացնում է պատմության մեջ առաջին ուլտրա-հարմարեցվող կարգավորիչը: Դրանով դու ձեռք ես բերում կարգավորումների և կոճակների մուտքագրման, վերաքարտեզագրման հնարավորություն, մի քանի խաղային պրոֆիլներ ստեղծելու և բազում այլ նոր հնարավորություններ:
Ուզու՞մ ես ձեռք բերել այն հիմա: Նախապես պատվիրիր AllCell-ից:
Բում խաղացողների համար
Դու պատրաստվում ես մեծացնել խաղերի քո գրադարանը, այնպես չէ՞:
Իհարկե, PlayStation-ը մեզ առանց նոր խաղերի չէր կարող թողնել: Insomniac Games-ը հաստատում է ամենասպասված երեք խաղերի թողարկումը:
Marvel’s Spider-Man 2
Forspoken
Hogwarts Legacy
Եվ վերջում
Լավագույնը դեռ առջևում է PlayStation-ի սիրահարների համար 2023 թվականին: Եթե դեռ չունես, ապա բաց մի՛ թող հնարավորությունը՝ գնելու PlayStation 5-ը AllCell-ից լավագույն գնով՝ 12-ամսյա երաշխիքով: Դարձի՛ր այս հետաքրքիր տարվա մի մասը:
Հետևի՛ր AllCell բլոգին ամեն շաբաթ և եղի՛ր տեղեկացված ոլորտի նորություններից:
