Միասին նվիրենք թթվածին մոլորակին․ ծառատունկ

Տեխնոլոգիական զարգացմանը զուգահեռ շատ կարևոր է պահել կապը բնության հետ: Այսօր թվային աշխարհը կլանել է մարդկությանը և թվում է` բնության հետ առնչվելու, ծառ ու ծաղիկով հիանալու ժամանակ չկա։ Մինչդեռ, մարդն ու բնությունն այնքան շատ ունեն իրար կարիքը։ AllCell-ը որոշեց կազմակերպել ծառատունկ ` ներգրավելով բոլոր գնորդներին։ Այսինքն, AllCell խանութ֊սրահներից կատարված յուրաքանչյուր գնումից, լինի դա նորագույն iPhone , թե ամենասովորական սմարթֆոնի պատյան, ապրանքի արժեքից 1000 դրամը գնորդն իր ձեռքով գցում է տուփի մեջ։ Հավաքված ամբողջ գումարով նախատեսվում է տնկել 1000 ծառ։ Ծառատունկն իրականացվելու է ապրիլի 30֊ին` Տավուշի մարզի Սևքար գյուղում։ Նախաձեռնությունն իր օրհնությամբ կառաջնորդի Հայ Առաքելական եկեղեցու Տավուշի թեմի առաջնորդ Տեր Բագրատ Արքեպիսկոպոս Գալստյանը։

Ի՞նչ է ծառատունկը

Արդյո՞ք միայն հողը փորելով և ծառը տնկելով կարող ենք ասել, որ ծառատունկ ենք իրականացրել։ Վստահաբար` ոչ։ Ծառ տնկելու գործընթացը գրագետ կազմակերպելու համար անհրաժեշտ է ծառատունկի մասին տեղեկություն ունենալ։ Ավելի նպատակահարմար է խորհրդակցել ոլորտի մասնագետների հետ։ Բնությունն իր պահանջներն ունի, պետք է իմանալ ճիշտ ժամանակը՝ երբ կատարել ծառատունկ, հաշվի առնել տեղանքը, կլիմայական պայմանները, այն ծառատեսակները, որոնք ավելի նպատակահարմար են տվյալ վայրում։ Ծառատունկին հաջորդելու է խնամքը, որը ոչ պակաս գրագետ մոտեցում է պահանջում. բուսաբանները կհուշեն մեզ` երբ ջրել ծառերը, ինչպես իրականացնել ծառերի պարարտացում։ Բնությունը իր շնորհակալությունը կհայտնի թթվածնով։

Նախաձեռնության նպատակը

Բնությունն ունի իր թշնամիները՝ վառելիքի արտանետումներ, պատերազմներ, ծառահատումներ, տեղ֊տեղ նաև հանքարդյունաբերություն։ Այս դեպքում անհրաժեշտ է, պարզապես, օգնել բնությանը։ Երկրի թոքերի առողջությունից է կախված յուրաքանչյուրիս վաղվա օրը։ Այս պարզ ճշմարտությունը կարելի է տեսնել մայրաքաղաքի ՝ 1924թ-ի հատակագծում։ Երբ Ալեքսանդր Թամանյանը նախագծում էր Երևանի ճարտարապետությունը, հաշվի էր առնում ամեն մանրուք՝ մայթերի լայնությունից մինչև կանաչապատ տարածքների պարտադիր առկայություն։ Թամանյանական ճարտարապետական տրամաբանությունը նախատեսում էր մի համակարգ, որի հիմքում քաղաքացու շահն էր։ Եթե յուրաքանչյուրս գոնե մեկ ծառ տնկենք, ավելի առողջ միջավայր կստեղծենք։

Ինչու՞ ընտրվեց Տավուշը

Կարող էր լինել Արարատի , Վայոց ձորի, Գեղարքունիքի կամ այլ մարզ։ Բոլորն էլ մերն են։ Պարզապես այս անգամ ընտրվեց Տավուշը, ավելի կոնկրետ՝ Սևքար և Աղստև գետերի միջև գտնվող Սևքար գյուղը։ Ինչպես արդեն նշեցինք, ծառատունկից առաջ շատ կարևոր է հաշվի առնել տեղանքի կլիման։ Այստեղ այն բարեխառն է՝ շոգ ամառներով, մեղմ ձմեռներով։ Տարածքը բարեհաճ է բուսականության նկատմամբ և արդեն իսկ հարուստ է լորենինեով, գիհինեով, կեչիներով․․․։ Վստահ ենք, որ ծառատեսակների շարքը կհարստացնենք այս ամսվա վերջում, իհարկե մեր և ձեր շնորհիվ։ Լիահույս ենք, որ նախաձեռնությունը շարունակական կլինի և առաջին փորձը հաջողությամբ իրականացնելուց հետո, կմտածենք մյուս մարզերի մասին։

Հոգատար բնությունը

Ավելորդ չի լինի, եթե ևս մեկ անգամ վերհիշենք, թե ինչպես է բնությունը սիրում մեզ․․․

·  Ծառերը օդն ավելի մաքուր են դարձնում․ արտադրում են թթվածին և կլանում վնասակար նյութեր։ Եթե ​​ձեր տունը շրջապատված է ծառերով, դուք ավելի քիչ գլխացավեր կունենաք, և ձեր տրամադրությունը շատ ավելի լավ կլինի։

·      Ծառերը գրավում են թռչուններին՝ ապահովելով նրանց տնով և սնունդով: Եթե ​​ձեր տունը շրջապատված է ծառերով, ապա դուք կարող եք վայելել թռչունների երգը:

·      Ձեր տանը մոտ աճող ծառերը բարձրացնում են դրա արժեքը միջինը 15%-ով։ 

·      Ծառերն օգնում են՝ գետերն ու առուները ավելի մաքուր պահել: Դրանք նաև արդյունավետորեն կլանում են աղտոտող գազերը և զտում օդում կախված մանր մասնիկները, ներառյալ փոշին, կեղտը և ծուխը։

·      Ծառերը ձմռանն էներգիա են խնայում: Եթե ​​ձեր տունը շրջապատված է ծառերով, դրանք պաշտպանում են այն սառը քամիներից: Սա թույլ է տալիս խնայել 10-20% ջեռուցման ծախս:

·      Ծառերը ստվեր են տալիս ամռանը և դրանով իսկ խնայում են էներգիան։ Եթե ​​ձեր տունը շրջապատված է ծառերով, դա կարող է խնայել 15-35% օդորակման ծախս:

·      Ծառերը հակազդում են գլոբալ տաքացմանը, քանի որ դրանք նվազեցնում են օդում ածխաթթու գազը՝ ջերմոցային էֆեկտի հիմնական պատճառը:

·      Ծառ տնկելը շատ հեշտ է. դուք կես ժամ կծախսեք դրա վրա և կարող եք հպարտանալ ձեր ձեռքի աշխատանքով ամբողջ կյանքում: Ծառ տնկելով՝ կարող եք վստահ լինել, որ ձեզ երախտապարտ կլինեն բազմաթիվ սերունդներ։

Միացիր ծառատունկին

Այս նախաձեռնությունը մեզ շրջապատող միջավայրն ավելի լավը դարձնելուն ուղղված գործնական քայլ է, որի անմիջական մասնակիցը դու ես։ AllCell-ի ամբողջ աշխատակազմը մեծ ոգևորությամբ է պատրաստվում ծատատունկին և սիրով ներգրավում է յուրաքանչյուր հաճախորդին։ Սիրով սպասում ենք քեզ մոտակա AllCell վաճառասրահում։ Միացիր մեզ, միասին նվիրենք թթվածին մոլորակին։