Օգտագործված հեռախոսներ ․ Trade in վաճառքի հակառակ կողմը

Սմարթֆոն գնելիս, հաճախ, շատերը դիտարկում են նաև օգտագործված հեռախոսներ, երբ բյուջեն սահմանափակ է։ Շուկայի բազմազանության մեջ հնարավոր է գտնել որակյալ էժան հեռախոս ` միջին դասի բյուջետային տարբերակներից։ Մինչդեռ, գնորդը, շատ դեպքերում, պատրաստ է վճարել Samsung կամ Xiaomi միջին դասի երկու նոր սմարթֆոնի գին՝ iPhone-ի սիրելի մոդելի թեկուզ օգտագործված տարբերակ ձեռք բերելու համար։ Apple սմարթֆոնները շուկայում առաջատար են և iOS-ի սիրահարները, նույնիսկ, չեն ցանկանում դիտարկել Android համակարգով որևէ տարբերակ։ Ոմանք էլ պատրաստ են մեծ գումար վճարել Samsung-ի պրեմիում դասի օգտագործված մոդելների համար․ օրինակ, Galaxy S23 Ultra-ն երկրպագուների մեծ բանակ ունի: Ինչպես ասում են ՝ ճաշակին ընկեր չկա։ Օգտագործված սմարթֆոն ընտրելիս պետք է հաշվի առնել բազմաթիվ գործոններ՝ արտաքին տեսքը, արտադրման տարեթիվը, մարտկոցի ծավալը և այլն։ 

iPhone 13 Pro Max 128 ԳԲ, Մարտկոցը՝ 85%

Այս մոդելի նոր տարբերակն արժե մոտավորապես 550.000 դրամ։ Բայց, քանի որ տվյալ սմարթֆոնը վաղուց դուրս է եկել արտադրությունից, կասկածի տակ է դրվում դրա` օրիգինալ Apple լինելը։ Ավելի հարմար տարբերակ է ստորև ներկայացված iPhone 13 Pro Max օգտագործված մոդելը , որն արժե ընդամենը 325․000 դրամ:

Արտաքին տեսքը

Հիմնական գործոններից մեկը, որին պետք է ուշադրություն դարձնել օգտագործված գաջեթ գնելիս, սարքի արտաքին ֆիզիկական վիճակն է։ Գրեթե բոլոր ժամանակակից սմարթֆոնները հագեցած են պլաստմասե կամ ապակյա պատյանով, պլաստիկ կամ երկաթե շրջանակով։ Պետք է ուշադրություն դարձնել սարքի վրա առկա քերծվածքներին և փորվածքներին, եթե հեռախոսն ընկել է, ապա, ամենայն հավանականությամբ, հարվածի հետքեր կլինեն։ Կարևոր է նաև ստուգել, ​​թե ինչպես են կոճակները արձագանքում հպմանը և ճնշմանը. դրանք չպետք է ամուր լինեն և չպետք է խաղան: Սմարթֆոնի վիճակի մասին կարող են պատմել նաև լիցքավորման պորտերը կամ ականջակալները․ անցքերի շուրջ շրջանակների քերծվածքները, ներսի միակցիչների մաքրությունը։ Զգույշ օգտագործման դեպքում, նույնիսկ երկու տարի անց, միակցիչը կարող է մաքուր մնալ: Ուշադրություն դարձրեք նաև տեսախցիկի ոսպնյակներին՝ կա՞ն, արդյոք, քերծվածքներ, ճաքեր կամ փոշի` ապակու տակ: Արժե տեսախցիկը ստուգել՝ մեկ-երկու նկար անելով։ Համոզվելու համար, որ սարքը կատարում է իր առաջնային խնդիրները, անհրաժեշտ է նաև ստուգել կապի ընդունման որակը։ Փորձարկեք  նաև խոսափողը, բարձրախոսները և էկրանը՝  համոզվելու, որ բոլոր մասերն աշխատում են:

iPhone 12 Pro Max 128 ԳԲ , Մարտկոցը՝ 76%

Այս ոսկեգույն մոդելը՝ գրեթե իդելական վիճակում, կարող եք ձեռք բերել ընդամենը 215․000 դրամով։

Մարտկոց

Յուրաքանչյուր սմարթֆոնի կարևոր բաղադրիչը մարտկոցն է, և, հաճախ, այն շատ է մաշվում որոշակի ժամանակ օգտագործելուց հետո: Ավելի լավ է ընտրել 1-1,5 տարեկան սմարթֆոն: Այն ակտուալ կլինի մի քանի տարի, իսկ մարտկոցն ավելի երկար կծառայի։ iPhone-ի մարտկոցի կարգավիճակը ստուգելու ամենադյուրին ճանապարհը <<Կարգավորումներ>> գնալն է: Սա տոկոսային առումով ցույց է տալիս մարտկոցի մաշվածությունը։ Android-ում մարտկոցի մաշվածությունը ստուգելու համար ստիպված կլինեք դիմել երրորդ կողմի հավելվածներին օգնությանը: Ամբողջական ախտորոշումը կարող է որոշ ժամանակ պահանջել: Ստուգելիս կարևոր է նաև ուշադրություն դարձնել սմարթֆոնի ջերմաստիճանին. որքան շատ տաքանա սմարթֆոնը, այնքան ավելի արագ կփչանա մարտկոցը: Երբեմն, մարտկոցի գերտաքացումը հանգեցնում է գաջեթի վնասմանը:

iPhone 12 Pro Max 128 ԳԲ, Մարտկոցը՝ 85%

Այս մոդելն արժե 250․000 դրամ։

Արտադրման տարեթիվը

Թողարկման ամսաթիվը կարևոր է, եթե նախատեսում եք երկար ժամանակ օգտագործել գաջեթը: Ի տարբերություն iPhone-ների, որոնք Apple-ի կողմից աջակցվում են մինչև 6 տարի, Android սմարթֆոնը, միջինում, ակտուալ է մնում երկու տարի։ Սարքը թողարկվելուց մեկ տարի կամ ավելի քիչ հետո գնելը լավագույն ժամանակն է, քանի որ այն դեռ կստանա ՕՀ-ի թարմացումներ և անվտանգության պատչեր:

iPhone 13 Pro 128 ԳԲ, Մարտկոցը՝ 83%

Մոխրագույն iPhone 13 Pro-ն արժե 270․000 դրամ։

Trade in վաճառք

Վերջին տարիներին մեծ տարածում է գտել վաճառքի Trade in տարբերակը։ Այսինքն, կարող եք ձեր հին սմարթֆոնը փոխարինել նորով ՝ վճարելով միայն տարբերությունը։ AllCell-ում ևս իրականացվում է հին հեռախոսների առք ու վաճառք ՝ շահավետ պայմաններով։ Գինը կախված է մոդելից, արտադրման տարեթվից, մարտկոցի ծավալից և այլն։ Ձեր սմարթֆոնն AllCell-ում կգնահատվի հնարավոր լավագույն արժեքով։ Իսկ թե ինչ ճակատագիր է սպասվում Trade in-ով վաճառված սմարթֆոններին, դժվար չէ կռահել։ Դրանք կգտնեն իրենց տերերին, կրկին, լավագույն արժեքով։ Սովորաբար, Trade In վաճառքօ սմարթֆոնները, գրեթե, չեն տարբերվում նորից․ պարզապես դրանց նախկին տերերը որոշել էին ավելի նոր մոդել ձեռք բերել և օգտվեցին Trade in-ից

iPhone 12 64 ԳԲ , Մարտկոցը՝ 85 %

Այս գրավիչ երանգով Apple սմարթֆոնն արժե 175․000 դրամ։

iPhone XS 64 ԳԲ (մարտկոցը փոխված է)

Արժեքը՝ 95․000 դրամ։

Այս հոդվածում ներկայացված է AllCell-ում առկա օգտագործված հեռախոսների մի փոքր մասը։ Ամբողջը տեսնելու համար կարող եք մոտենալ AllCell վաճառասրահ։ Սմարթֆոնների վաճառքն իրականացվում է կանխիկ կամ ապառիկ տարբերակներով։ Իրականացնում ենք նաև օնլայն ապառիկ։ Խանութ-սրահի ապրանքատեսականու թարմացուոմներին առաջինը ծանոթանալու համար հետևեք մեր ինստագրամյան և ֆեյսբուքյան էջերին։