Ձեր iPhone -ը հաճա՞խ է գերտաքանում: Ահա թե ինչպես դա շտկել

Թվում է՝ iPhone հեռախոսներ գնելիս չեք բախվի տեխնիկական խնդիրների, քանի որ Apple-ի ինժեներները մանրամասն մտածել են յուրաքանչյուր դետալ։ Մինչդեռ արի ու տես, որ նույնիսկ խնձորային սմարթֆոնը կարող է ժամանակ առ ժամանակ ցույց տալ իր թույլ կողմերը։ Այդ մասին փաստում է թվային որոնողական համակարգերում << ինչպե՞ս շտկել գերտաքացած iPhone-ը >> հարցման  հաճախականությունը։ Ստորև կներկայացնենք ձեր Apple սարքի գերտաքացման հնարավոր պատճառները։ 

Անլար լիցքավորման սարք 

iPhone-ի գերտաքացման ամենատարածված պատճառը անլար լիցքավորման սարքի օգտագործումն է: Այս դեպքում հեռախոսը կարող է տաքանալ՝ տվյալների անլար փոխանցման ժամանակ հոսանքի կորստի պատճառով: Սա նորմալ է և չի խոսում հեռախոսի հետ կապված խնդիրների մասին: Անհանգստանալու կարիք չկա, քանի որ iPhone-ը կարող է ինքնուրույն կարգավորել կրիտիկական ջերմաստիճանները: Եթե ​​այս գործընթացը չի հանգեցնում սարքի անջատման կամ անսարքության, ապա անհանգստանալու կարիք չկա։ iPhone-ն ի վիճակի է ինքնուրույն կարգավորել կրիտիկական ջերմաստիճանն անլար լիցքավորման ժամանակ։ 

Լիցքավորման ընթացքում հեռախոսով խոսելու, խաղեր խաղալու կամ այլ գործողություններ կատարելու դեպքում ևս գերտաքացումն  անխուսափելի է, քանի որ միաժամանակ մի քանի գործընթացների դեպքում պահանջվում է ավելի շատ կատարողականություն, հետևաբար՝ ավելի շատ էներգիա:

Տեսախաղեր 

iPhone-ը հաճախ գերտաքանում է տեսախաղերի ընթացքում։ Արդյո՞ք դա անհանգստանալու առիթ է։ Հեռախոսի ջերմաստիճանի բարձրացումը, սովորաբար, տեղի է ունենում երկու հիմնական պատճառով՝ առանձին ծրագրերի աշխատանքի կամ մեխանիկական ազդեցության հետևանքով։ Բարդ գրաֆիկական խաղեր խաղալիս iPhone-ը ոչ միայն արագ լիցքաթափվում , այլև նկատելիորեն տաքանում է։ Մինչդեռ սա ոչ մի կերպ չի խաթարում դրա կատարողականությունը։ 

Սարքի դիզայնը չի նախատեսում հովացման համակարգ։ Զգալի ծանրաբեռնվածության դեպքում պրոցեսորը, լինելով խիտ ապակե-ալյումինե պատյանում, աշխատում է բարձր ջերմափոխանակությամբ, ինչն էլ հանգեցնում է գերտաքացման:  

Միշտ չէ, որ պետք է  iPhone-ի գերտաքացման խնդրի լուծումներ փնտրել։ Եթե մարտկոցը չունի մեխանիկական վնասվածք, ապա գերտաքացման դեպքում անհանգստանալու կարիք չկա։ Տեխնիկական տվյալների համաձայն՝ iPhone-ն աշխատում է 0-ից 35 °C ջերմաստիճանում։ Այս միջակայքի փոփոխության դեպքում, iPhone-ը պաշտպանում է իր բաղադրիչ տարրերը վնասվելուց՝ անցնելով հովացման ռեժիմի։ 

Հավանական է, որ ձեր հեռախոսը բազմաթիվ անգամներ գերտաքացել է խաղեր խաղալիս, հատկապես, եթե iPhone-ի հին մոդել եք օգտագործում։ Այս դեպքում անհրաժեշտ է խաղը սկսելուց առաջ փակել բաց հավելվածները։ 

Այնուամենայնիվ, եթե խաղերի սիրահար եք, կարող եք գնել հեռախոս, որը հատուկ հարմարեցված է օնլայն խաղերի պահանջներին։ Կարող եք դիտարկել, օրինակ, Xiaomi Black Shark 4 խաղային հեռախոսը։

Թարմացումներ

iPhone-ը կարող է տաքանալ նաև ծրագրային ապահովման թարմացումների ընթացքում։ Apple-ն այս մասին նշել է տեխնիկական հրահանգներում։ Եթե նկատում եք, որ սարքը սկսում է տաքանալ iOS 16/15-ի թարմացումից հետո, մի անհանգստացեք: Հավանաբար, ձեր iPhone-ը դեռ թարմացնում է հավելվածները հետին պլանում: Ահա թե ինչու լիցքավորելիս այն կարող է սովորականից ավելի տաք լինել: Եթե ձեր սմարթֆոնը թարմացումների <<բարդ>> փուլ է անցնում, պարզապես սպասեք մինչև ծրագրակազմն ամբողջությամբ տեղադրվի։ Թարմացումներն անհրաժեշտ են օպերացիոն համակարգի ֆունկցիոնալության համար, ինչպես նաև թույլ են տալիս հին սարքերին ստանալ ծրագրային ապահովման թարմացումներ։

Արևի ազդեցություն

Հավանաբար լսել եք, որ iPhone-ները կարող են անջատվել շատ ցածր ջերմաստիճանի դեպքում։ Բացասաբար կարող է ազդել նաև չափից շատ բարձր ջերմաստիճանը։ Apple սմարթֆոնը պատրաստված է մետաղից և ապակուց. երկու նյութեր, որոնք շատ արագ կլանում են ջերմությունը և կարող են հասնել բարձր ջերմաստիճանի: Հետևաբար, խորհուրդ է տրվում iPhone-ը չթողնել արևի ուղիղ ճառագայթների տակ։ Եթե, օրինակ, լողափում եք, համոզվեք, որ ձեր սմարթֆոնը գտնվում է ստվերում։ Ամռանը գաջեթը մի թողեք մեքենայում, քանի որ սրահի օդը տաքանում է րոպեների ընթացքում։ Եթե սարքն արդեն տաքացել է, կտրուկ հովացնել պետք չէ․ փաթաթեք այն սառը վերմակով (ոչ խոնավ) և սպասեք մինչև հովանա։ 

Հնացած մարտկոց

Եթե iPhone-ը գերտաքանում է սպասման ռեժիմում, ամենայն հավանականությամբ պատճառը մարտկոցն է։ Apple-ի օրիգինալ մարտկոցները երկարակյաց են բայց ոչ անմահ։ Ուստի, եթե գաջեթը շատ տաքանա և մարտկոցն արագ լիցքաթափվի, ուրեմն հնարավոր է, որ այն արդեն փոխելու ժամանակն է։ Որևէ կերպ հնարավոր չէ երկարացնել մարտկոցի կյանքը։ Այն պետք է անհապաղ փոխվի, հակառակ դեպքում կարող է վնասել ոչ միայն բուն սարքը, այլև դրա տիրոջը։

Ֆայլերի ներբեռնում համացանցից

Ավելի հին iPhone-ները կարող են գերտաքանալ, եթե մեծ ծավալով ֆայլեր ներբեռնեք։ Ներբեռնված ֆիլմը կամ Excell-ի ծավալուն աղյուսակը կարող են սարքի տաքացման պատճառ դառնալ։ Նման դեպքերում iPhone-ը չծանրաբեռնելու համար անհրաժեշտ է, պարզապես, փոխարինել սմարթֆոնը iPad-/MacBook-ով։ Կարող եք օգտագործել նաև AirDrop-ը՝ ձեր սարքերում ֆայլեր ներբեռնելու համար։

Անբավարար հիշողություն

Չզարմանաք, եթե ամբողջութամբ լիցքավորված iPhone-ի ջերմաստիճանը կտրուկ բարձրանա։ Անբավարար հիշողության դեպքում դա միանգամայն նորմալ է։ Հաճախ բացում ենք բազմաթիվ հավելվածներ և մոռանում ենք փակել: Դրանք շարունակում են աշխատել հետին պլանում՝ սպառելով մարտկոցը և ծանրաբեռնելով պրոցեսորը։

Այդպիսով առաջանում են հեռախոսի գերտաքացման խնդիրներ: Որպեսզի սմարթֆոնը կարողանա նորմալ աշխատել, փորձեք մաքրել այն հավելվածները, որոնք չեք օգտագործում, իսկ <<Պատկերասրահ>> բաժնում հնարավոր է գտնեք կրկնօրինակ լուսանկարներ, տեսանյութեր։ Թարմացրեք հավելվածները և մաքրեք ֆայլերը քեշից: Հնացած ծրագրերը հաճախ խափանում են և դանդաղեցնում սարքի աշխատանքը, դրանց էներգիայի սպառումը գործում է որպես կատալիզատոր՝ առաջացնելով գերտաքացման խնդիրներ:

Խոնավության ներթափանցում

Ինչպես ցանկացած էլեկտրական սարք, այնպես էլ հեռախոսը չի հանդուրժում խոնավություն։

Ջուրը կարող է վնասել iPhone-ի բաղադրիչները՝ մարտկոցը, պրոցեսորը, էկրանը , ինչպես նաև հովացման համակարգը, որը պաշտպանում է սարքը գերտաքացումից։ Նման իրավիճակում խորհուրդ է տրվում հնարավորինս շուտ դիմել սպասարկման կենտրոն՝ ախտորոշման, այնուհետև վերանորոգման աշխատանքների համար։

Վերջաբան

Apple սմարթֆոնի նման խնդիրները կարող ենք անվանել նաև Iphone-ի ժամանակավոր սխալներ, քանի որ ընկերության մասնագետները ջանք չեն խնայում սարքը կատարյալ դարձնելու համար։