Լավագույն VPN հավելվածները Android-ի համար

Գաղտնիք չէ, որ թվային տեխնոլոգիաները համացանցում հետևում են օգտատերերի շարժին։ Դրանք գիտեն ձեր անունը, հասցեն, նախասիրությունները, կարող են մանրամասն ուսումնասիրել ձեր բրաուզերի պատմությունը, մինչև, անգամ, մուտք գործել ձեր բանկային հաշիվներ։ Արհեստական ինտելեկտը լավ պատրաստված է և շատ հետաքրքրասեր։ 

Իսկ ինչպե՞ս պաշտպանել առցանց ինքնությունը։ Գոյություն ունեն վիրտուալ մասնավոր ցանցեր (Այսուհետ՝ VPN-Virtual Private Network), որոնք թույլ են տալիս թաքցնել IP հասցեն, որով մուտք եք գործում համացանց։ Նոր IP-ն շատ ավելի դժվար է դարձնում ձեզ նույնականացնելը և ձեր գտնվելու վայրը պարզելը։ Այն նաև շրջանցում է գրաքննությունը և արգելափակման այլ տեսակներ, որոնք պարտադրվում են իշխանությունների, հեղինակային իրավունքի սեփականատերերի կամ Wi-Fi ադմինիստրատորների կողմից: Միևնույն ժամանակ, VPN-ը պաշտպանում է կասկածելի Wi-Fi ցանցերից, գիտի, թե ինչպես արգելափակել առցանց թրեքերները և թույլ է տալիս ակտիվացնել արգելափակված հոսքային ծառայությունները, որոնք սահմանափակված են աշխարհագրական հասանելիությամբ:

Այս հոդվածում կներկայացնենք 5 լավագույն VPN հավելվածները Android համակարգով աշխատող սարքերի համար: Իսկ ին՞չ սկզբունքով ենք ընտրել․ հիմնվել ենք վիրտուալ ցանցի արագության, անվտանգության ապահովման առանձնահատկությունների, հոսքային հարթակներին աջակցելու և սերվերների քանակության վրա։ 

NordVPN

Ընկերությունը, որն առաջարկում է խելացի VPN Android օպերացիոն համակարգով գաջեթներ օգտագործողներին, գտնվում է Պանամայում։ Այդ երկրի իրավական համակարգի շնորհիվ NordVPN-ն ամբողջությամբ բացառում է համացանցում օգտատերերի գործունեությանը հետևելը և չի բացահայտում անձնական տվյալները երրորդ կողմին, ներառյալ պետական ​​կառույցների ներկայացուցիչներին:

NordVPN-ն առաջարկում է անվտանգ, կոդավորված մուտք ձեր առցանց թրաֆիկի համար: Ոչ ոքի հասանելի չեն լինի ձեր տվյալները համացանցում: NordVPN-ը վստահելի պաշտպանություն է նաև հանրային Wi-Fi-ից օգտվելիս: Ապահովում է անվտանգ մուտք դեպի անձնական տեղեկատվություն կամ աշխատանքային ֆայլեր, գաղտնագրում է ձեր ինտերնետ կապը և թաքցնում է ձեր բրաուզերի պատմությունը հետաքրքրասեր աչքերից: 

Ծրագիրն առաջարկում է բազմաթիվ ֆունկցիաներ, որոնցից յուրաքանչյուրը նախատեսված է թվային հարթակում ձեր կոնկրետ գործողությունները անվտանգ դարձնելու համար։

NordVPN-ն առաջարկում է ցածր գներ երկարաժամկետ բաժանորդագրության համար։ Ծրագրի բացասական կողմն այն է, որ մի շարք կարևոր գործառույթներ, ինչպիսին է, օրինակ, տվյալների արտահոսքի սկաները, բացակայում է էժան սակագնային պլանում։

NordVPN-ի կարգավորումները պարզ են և հասկանալի անփորձ օգտատերերի համար։ Բայց, եթե ունեք հարցեր, ապա աջակցության ծառայության ներկայացուցիչները օպերատիվ կպատասխանեն ձեզ օրվա ցանկացած ժամին։

Ընկերությունն առաջարկում է տեղադրել NordVPN  ծրագիրը և փորձարկել դրա հնարավորությունները մեկ ամսով։ Եթե այն չբավարարի, ընկերությունը պատրաստ է հետ վերադարձնել  գումարը։

CyberGhost

CyberGhost-ն Android սարքով տեսանյութեր դիտելու համար լավագույն VPN-ներից մեկն է, քանի որ օպտիմիզացված սերվերները հարմարցեված են Netflix, Disney+ և հոսքային այլ հարթակներ մուտք գործելու համար։ 

CyberGhost-ը գտնվում է Ռումինիայի իրավասության տարածքում, որտեղ օրենքը պաշտպանում է մասնավոր շահերը և չի պարտավորեցնում պահպանել ինտերնետ օգտագործողների անձնական տվյալները:

CyberGhost VPN-ը ստեղծում է գաղտնագրված կապ ձեր սարքի և ինտերնետի միջև։ Ձեր քայլերն օնլայն հարթակում պաշտպանված կլինեն հաքերներից, գովազդատուներից, մինչև, անգամ, կառավարությունից։ Լինի դա խաղ խաղալ, գնումներ կատարել, բանկային գործարքներ իրականացնել, թե՞, պարզապես, <<զբոսանք>> համացանցի տիրույթում։

Ընկերությունն ունի հազարավոր սերվերներ ամբողջ աշխարհում, որոնք թույլ են տալիս փոխել օգտատիրոջ վիրտուալ գտնվելու վայրը։ Հետևաբար, դուք կարող եք ապահով մուտք գործել լոկալ ցանցի համար արգելափակված հարթակներ։

Cyber Ghost-ն ունի վթարային անջատիչ ֆունկցիա, որը, վտանգի դեպքում, կանջատի կապը օգտատիրոջ և համացանցի  միջև։   

Ապահովեք ձեր գործողությունների գաղտնիությունը բոլոր սարքերում՝ ընդամենը մեկ բաժանորդագրությամբ միանգամից 7 սարք միացնելով։ Դրանք կարող են լինել բջջային հոռախոսներ, նոթբուքեր, սմարթ ժամացույցներ և այլն։

Ի դեպ, որոշ հնարավորություններ, ինչպես, օրինակ, գաղտնաբառի կառավարիչը, հասանելի է լրացուցիչ վճարի դեպքում։

PrivateVPN

Բարձր արագություն ապահովելու համար PrivateVPN-ը վերացնում է հոսթինգ պրովայդերների միջնորդ ծառայությունները։ Արդյունքում, P2P-ն և torrent—ները ներբեռնվում են արագ և առանց սահմանափակումների։

Ընկերությունը գտնվում է շվեդական իրավասության ներքո, որը երաշխավորում է պետության միջամտության բացակայություն մասնավոր կյանքին։ Հետևաբար, PrivateVPN-ն չի հավաքում օգտվողի որևէ տվյալ։

VPN-ի տեղադրման և կարգավորման գործընթացը ավտոմատացված է։ Անհրաժեշտ է, պարզապես, ներբեռնել հավելվածը և գործարկել այն։

Սերվերների բարձր արագությունը և գլոբալ ծածկույթը թույլ են տալիս բարձր որակով դիտել տեսանյութեր Netflix, HBO Max, Disney+ և Amazon Prime Video հարթակներում։ 

VPN-ը պաշտպանում է ձեզ ռազմական կարգի գաղտնագրմամբ

Կարող եք անվճար փորձարկել այն 24 ժամ։ Բացի այդ, մեկ ամիս անց, ծառայությունների չեղարկման դեպքում,  հետ կստանաք վճարված գումարը։

SurfShark

SurfShark-ը հեշտությամբ բացում է արգելափակված և տվյալ գեոլոկացիայում արգելված կայքերը, նաև ապահովում է հասանելիություն ամենատարբեր սպորտային հեռարձակումներին։ Ապահովում է համացանցում ձեր հարցումների գաղտնիությունը, կանխում է հաքերային հարձակումները, որոնք կարող են վտանգի տակ դնել ձեր անձնական տվյալները։ 

Ընկերության կենտրոնակայանը գտնվում է Վիրջինյան կղզիներում, որտեղ պաշտոնական դիմադրություն կա թվային գրաքննության դեմ: Հետևաբար, SurfShark-ը չի պահպանում օգտատերերի տվյալները և չի կիսում տեղեկատվությունը պետական ​​մարմինների հետ:

SurfShark-ը կիրառում է ռազմական կարգի կոդավորման ալգորիթմներ հուսալի պաշտպանություն ապահովելու համար։ Ունի անվտանգության գործիքների մեծ զինանոց, հիանալի հավելվածներ և անսահմանափակ թվով սարքերի միանալու հնարավորություն։ 

ExpressVPN

ExpressVPN-ի AES 256-բիթանոց կոդավորումը, 4096-բիթանոց RSA ստեղնը և SHA-512 HMAC նույնականացումը պաշտպանում են ձեր բջջային տրաֆիկը հաքերներից և կողմնակի անձանցից:

ExpressVPN-ը հնարավորություն է տալիս մուտք գործել Netflix ԱՄՆ, Amazon Prime Video, Hulu և Disney+։ VPN-ի արագությունը թույլ է տալիս դիտել տեսանյութեր Android-ում, առանց ընդհատումների։

ExpressVPN-ն աշխատում է՝ Android 5.0 և ավելի բարձր սարքավորումների վրա։

ExpressVPN-ն օգտագործում է TrustedServer տեխնոլոգիան իր RAM-ի վրա հիմնված սերվերների վրա, ինչը նշանակում է, որ բոլոր տվյալները ջնջվում են ամեն անգամ, երբ դրանք վերագործարկվում են: Հետեւաբար, սերվերներից ոչ մի տեղեկություն չի կարող գողացվել:

Գրանցամատյանների բացակայության քաղաքականությունը նաև ապահովում է, որ ExpressVPN-ն երբեք չի հավաքում ձեր տվյալները. Ծառայությունն անցել է անվտանգության անկախ աուդիտներ և դրանց վերաբերյալ հաշվետվություններ հրապարակել։ 

Security Assistant գործիքը օգտակար խորհուրդներ է տալիս այն մասին, թե ինչպես պաշտպանել ձեր տվյալները և սարքը։ Վտանգի դեպքում հավելվածը ձեզ անմիջապես կտեղեկացնի, որպեսզի կարողանաք արագ փոխել ձեր գաղտնաբառերը և արգելափակել հաշիվները:

Եթե ինչ-որ պատճառով ցանցը սկսի անկայուն աշխատել, ապա համացանցի վթարային անջատման ֆունկցիայի շնորհիվ  հաքերների և խաբեբաների մուտքը ձեր տվյալներ կարգելափակվի։ 

ExpressVPN-ի բաժանորդագրությամբ դուք կստանաք հարմար հավելվածներ ձեր բոլոր սարքերի համար՝ հեռախոսներ, պլանշետներ, նոթբուքեր, smart հեռուստացույցներ և այլն։

ExpressVPN-ն առաջարկում է հուսալի միացում վիրտուալ մասնավոր ցանցին աշխարհի ցանկացած կետից։ Գերարագ սերվերները 94 երկրներում կօգնեն ապահովել ձեր տեղեկատվության գաղտնիությունը։

Դուք կարող եք կարգավորել VPN ծառայությունը, որպեսզի ավտոմատ կերպով ակտիվանա, երբ Android սարքը բեռնվի, և ակտիվ մնա այնքան ժամանակ, մինչև սարքը չանջատվի: Այս գործառույթը կոչվում է Always On VPN և հասանելի է Android 7.0 և ավելի նոր սարքերում: 

 Վայելեք անդադար VPN պաշտպանություն որտեղ էլ որ լինեք։ Ոչ ոք չի իմանա, թե ով եք դուք և ձեր գտնվելու վայրը։